血染的風彩:自製VIIV Tee

前陣子響高登有人效法國內同胞創作的悼念89民運VIIV tee,創作左加多左隻共產坦克的圖案,並印製少量T shirt,幾靚架,不過我就冇出post話要.到上星期日同友人到銅鑼灣64遊行,我同佢先意識到dress code係幾咁緊要,咁大班人之中有好多要訴求o既口號,就需要舉牌同tee黎表達自己係buy遊行中邊一個命題;所以星期一就拿拿聲買料試整個由我改左少少o既VIIV圖案.

響洗衣街同深水步都可以買到壓克力顏料同十蚊廿蚊o既黑Tee.紙樣就響公司print出黎cut開.初時諗住畫果一兩件就唔買網架同刮,畎適合size的都幾貴,直接用畫筆就算.搵雙面膠痴個紙樣上去

但用畫筆會郁到布料同移位,且隻紅色買錯左稀劑,星期二又出左旺角買碌廿蚊o既國產壓克力,
紙樣分返開做兩隻色,上色改用刮色上去.

但總有d失敗,用報紙當刮真係差d,五件死左3件

鍊成~! 響VIIV民運之上有架轆在血路上開火的坦克車.經過禁斷o既字體鍊成我梗係要出席有成十萬人o既64晚會啦~

鬼呀!