相信大家都知03-18-09,TVB星期日檔案港男港女鬧得滿城風雨,電視媒體唔單只冇幫男女之間互相了解'港女''狗公''電車男'呢d負面字眼o既來由,而係將呢d族群矮化並抬高片中o既各位專家權威.片中亦燒到我呢d'宅(Otaku)',各個forum反應同謾罵都更趨激烈.
我一向聽開o既網台;動漫廢物的一班敢言o既主持(都可以叫好事之徒o既),發起3月29日「我是御宅族」巡遊 , 一石擊起千重浪,宅群中有好多聲音質問佢地'代表咩人去搞''點去搞''搞完會唔會仲多麻煩野搞',主辦人漫遊者亦知道外間'不單不認為我們可以做得到，甚至惡言相向'(我見coplayer們響FORUM到插得最起勁.)
我當時馬上反應係覺得個活動有好有唔好,我好支持主辦者o既態度;acg係一種興趣,唔係廢人o既標籤',如果大家仍只流連網路呢一個媒體,而唔以其他方式如電視或遊行面對社會,香港而家打壓一切acg愛好者為Neet的歧視就唔會改變,而一班網上兇狠現實6撚 o既版友,你地抦主辦者做咩都冇用'先係自虐,明明係自己鍾意o既野,但因社會o既曲解而收埋呢種興趣甚至話'遊行係揚個屁股俾人睇'網上兇狠o既版友根本就同意左鍾意acg=毒男呢種歧視,有人代表你地去澄清,反而好似文革咁槍打主辦者呢d'出頭鳥',咁樣漠視現實扭曲o既眼光仲唔係自虐?如果你地只係有打下機,唔關心呢種事,呢次遊行根本唔係代表緊你地,你地唔駛響度訴諸網上暴力.
但我就唔同意主辦者o既處理方法,一,唔應該cosplay,因要傳遞ACG愛好者同正常人一樣o既訊息,第一步唔應該標奇立異二,字眼'御宅族'o既定義係較極端(亦我地圍內都有爭辯),代表性不足我到場聲援,不遊行.
到29日中午逛街時唔見有巡遊隊伍~睇黎今次無風無浪,雖影響力有限但至少證明香港同日本一樣將動漫文化擺街頭上,反應都係正面的.我響網上一講馬上俾人覺得我而家咁快落定論好似唱好個活動咁,我就即刻縮收返之前o既言論...orz但延至4月17日,TVB東張西望繼之前崔健邦,教大家咩係電車男制服之後(佢有gus,D幕後夠膽俾份咁膠o既稿,佢又夠膽讀出黎),竟然出左個對御宅族幾正面o既一個報導~!小撒響TVB上顯示出一個'有事業有理想o既女仔'呢一個正面形象,都係好幫助到我地香港o既宅澄清真相.節目中更重要梗係漫遊者,佢清楚解釋咩係宅,動漫都係香港社會o既一環.係唔係真的網上文化受正面肯定?
起:涼宮襲港!
無線J2台除左日劇同銀魂有d睇頭之外,一直俾人話悶(但都有人話佢好鍾意娛樂金魚眼),終於有令人哄動o既大作:涼宮春日;
有人想睇當年僅憑14集就爆紅(訂下京アニ萌動一哥地位)會唔會響香港重現;
有人將佢拍埋亞記o既luckystar比併聲優重視程度;
有人話星期日檔案咁樣踩d宅,即係斷J2台米路姐~XD
身邊個個都睇過涼宮,搞到不嬲風高亮潔不屑萌動o既我都勉為其難評鑑下佢o既輕小說...我床頭邊有涼宮H本呢?你睇錯啦...(掩面)
雲:神兵大會,狗官斃命,無極喪雄!
有時都上cafe同二手書攤啤下港漫動向,除左各界注目許景琛鬼才興o既 街頭霸王IV外傳,一樣好多精彩新聞:
崎駿三國神兵抄圖,陳尚言鬧讀者電車龜
「神兵大會」－崎駿ｘ動廢ｘANIWAVE
cuson同一眾網友畫政治
咦?永仁絕袋英雄都玩埋一份
湧:Rainbow Gala3
主辦者小撒響之前同CW一齊設在差不多的時間都搞得起,就響復活節4月10日(呢個時間都唔少學生要準備期中試架)舉辦第三次RG,今次唔似CW咁同台灣FF撞期,更多喜愛o既同人大手都留港出本,好吸引到我去;下午4:00唔駛排隊下入場...下!冇哂場刊派拿...orz好在場內唔多人唔多檔,好快搵到朋友亦請佢指教下我份漫畫稿,(另亦好感謝光管卿大的意見).關於主辦者小撒出現於TVB東張西望,我響forum表示'我其實之前聽過小撒d訪問,會質疑佢係真係OTAKU定係生意人?但無論點,佢推左RG出黎可以俾我呢d畫本子o既多個地方擺檔';版友冇蛭我,但就有唔少幫小撒的說話;其實之前都唔係評擊佢佢個人目的唔係重點,係佢搞到個我去足3次,幾成功o既一個EVENT,又有間響信和擺格仔,對同人界肯定係一件好事 .我就響rg買左d野:
唔係說呢D本唔好,但朋友都話我買本的取態好怪 ∑( ° △ °lll)
其實4月仲有C3日本動玩博覽,但既然24日先開就到時先講啦
沒有留言:
張貼留言